महायोगी श्रीअरविंद – १३

‘क्रांतिकारक अरविंद घोष ते महायोगी श्रीअरविंद’

‘श्रीअरविंद आश्रमा’तर्फे फेब्रुवारी १९४९ मध्ये दोन नियतकालिके प्रकाशित होऊ लागली. एक म्हणजे Bulletin of Physical Education (शारीरिक शिक्षण विभागाचे वार्तापत्र), हे त्रैमासिक आणि दुसरे पाक्षिक मदर इंडिया. ‘बुलेटिन’ हा श्रीअरविंद आश्रमाच्या क्रीडा विभागाचा एक अविभाज्य भाग आहे. या क्रीडा विभागात आश्रमातील आबालवृद्ध सहभागी होतात. त्याची स्थापना श्रीमाताजींनी केली होती आणि त्या स्वतः या विभागाच्या उपक्रमांमध्ये, स्पर्धांमध्ये सहभागी होत असत. श्रीमाताजी इ. स. १९४० ते इ. स. १९५० या दशकामध्ये आश्रमाच्या मैदानावर आणि टेनिसकोर्टवर पुष्कळ वेळ व्यतीत करत असत. त्या उत्तम टेनिसपटू होत्या. त्या कालावधीमध्ये ‘बुलेटिन’साठी श्रीअरविंद यांनी आठ लेख लिहून दिले होते आणि ते त्यांचे अखेरचे गद्यलेखन होते. (क्रमश:)