पूर्णयोगासाठी व्यक्तीची तयारी असणे याचा मला अभिप्रेत असलेला अर्थ ‘पूर्णयोगाची क्षमता असणे’ असा नसून ‘पूर्णयोगाचे अनुसरण करावे अशी व्यक्तीला इच्छा असणे’ असा आहे. सर्व अडचणींना तोंड देत, त्यावर मात करण्याची आंतरिक इच्छा व्यक्तीकडे असेल, तर पूर्णयोगाच्या मार्गाचा अवलंब करता येईल; मग त्यासाठी किती काळ लागतो हे तितकेसे महत्त्वाचे नाही.

*

सामान्य जीवनाबद्दल फक्त अस्वस्थ करणारे असमाधान असणे एवढीच तयारी पूर्णयोगासाठी पुरेशी नाही. अध्यात्मजीवनात यश मिळण्यासाठी नि:संदिग्ध आंतरिक हाक, दृढ संकल्प आणि अत्यंत स्थिरता यांची आवश्यकता असते.

– श्रीअरविंद (CWSA 29 : 27-28)