दि. २९ जुलै १९६४

(श्रीमाताजींच्या भारताच्या नकाशामध्ये पाकिस्तान, नेपाळ, सिक्किम, भूतान, बांग्लादेश, ब्रह्मदेश आणि श्रीलंका यांचा समावेश आहे.)

अखंड भारताच्या त्या नकाशाबद्दल श्रीमाताजी म्हणतात : हा नकाशा भारत-पाकिस्तान फाळणीनंतर बनविण्यात आलेला आहे. वरकरणी कितीही बदल झाले तरी हाच खऱ्याखुऱ्या भारताचा नकाशा आहे. आणि लोकांना काहीही वाटले तरी, खऱ्याखुऱ्या भारताचा हा नकाशा असाच कायम राहणार आहे.

*

इ. स. १९६५

साधक : मला आशा आहे की, काश्मीर प्रश्न हा भारत आणि पाकिस्तान यांच्या एकीकरणाच्या दिशेने टाकले गेलेले पहिले पाऊल असेल.
श्रीमाताजी : परमप्रज्ञेचे त्याकडे लक्ष आहे.

– श्रीमाताजी (CWM 13 : 360, 366)