आत्मसाक्षात्कार – ०१

आत्मसाक्षात्कार – ०१

‘अध्यात्म’ हा शब्द उच्चारला की त्याला जोडूनच साधना, अनुभव, अनुभूती, साक्षात्कार इत्यादी शब्द येतात. हे शब्द उपयोजिले जातात खरे, पण बरेचदा त्या शब्दांचा गर्भितार्थ काय, त्याची खोली किती आहे याची आपल्याला क्वचितच जाण असते. ‘आत्मसाक्षात्कार’ हादेखील असाच एक शब्द आहे.

आत्मसाक्षात्कार म्हणजे काय, त्याचे स्वरूप कसे असते, काय केले असता आत्मसाक्षात्कार होऊ शकतो, त्यामध्ये वैयक्तिक प्रयत्नांचे स्थान काय व किती असते आणि त्यामध्ये ईश्वरी शक्तीचे व ईश्वरी कृपेचे महत्त्व किती असते, ‘पूर्णयोगा’मध्ये आत्मसाक्षात्कार हा अंतिम टप्पा मानला जातो का, अधिमानस (Overmind) व अतिमानस (Supermind) आणि साक्षात्कार यामध्ये काय संबंध असतो, इत्यादी सर्व मुद्द्यांचा सखोल विचार आपण उद्यापासून सुरू होणाऱ्या ‘आत्मसाक्षात्कार’ या मालिकेद्वारे करणार आहोत. वाचकांचा या मालिकेलाही नेहमीप्रमाणेच उदंड प्रतिसाद लाभेल असा विश्वास वाटतो.

धन्यवाद!
डॉ. केतकी मोडक
संपादक, अभीप्सा मराठी मासिक