हिंदू-संघटन

(दि.०६.११.१९०९)

हिंदू धर्मीयांना एकत्रित आणण्यासाठी केवळ दोनच गोष्टी समर्थ आहेत. त्या पुढीलप्रमाणे –
• एक अशी नवी आध्यात्मिक प्रेरणा की जी, वेदान्तावर आधारलेली असेल, जी मानवाच्या मूलभूत एकत्वावर भर देणारी असेल, जी संस्थांचे नश्वर व उपयुक्ततावादी स्वरूप ओळखून असेल, तसेच जी बंधुता, स्वातंत्र्य, समानता यांच्या भव्यदिव्य आदर्शांवर उभारलेली असेल आणि जिला भारतीय वंश तसेच हिंदू आध्यात्मिक संकल्पना व साधना यांच्या महान कार्याची आणि उज्ज्वल भवितव्याची जाण असेल.
• किंवा दुसरी गोष्ट म्हणजे समाजाच्या रक्षणासाठी आणि त्याच्या उन्नतीसाठी सर्व हिंदुंना संघटित करू शकेल अशी एक पुरेशी जोमदार राजकीय लाट.

– श्रीअरविंद (CWSA 08 : 302-303)